港聞

港聞二

下一篇
上一篇

羅致光嘆COMPANION不如政總人

【明報專訊】原定喺維港瞓到噚日嘅KAWS招牌公仔COMPANION,因為天氣不似預期,提早結束10日活動,上周五就無得瞓喇。勞福局長羅致光喺政總辦公室都應該望到公仔,佢噚日更新網誌,感慨COMPANION要提早結束旅程,話「可惜它不像政府總部中人『見慣風浪』」。唔知見慣風波嘅人包唔包括佢自己?

羅致光網誌其實係想講展能藝術,佢話殘疾者亦可以係出色嘅藝術創作人,話展能藝術家及展能藝術機構上年喺「行政長官傷健共融高峰會」分享遇到嘅困難,包括缺乏專業指導、演出機會唔多等,期望政府加強措施。羅致光預告政府喺今年第3季會舉辦展能藝術家畫展,長遠會喺交通便利同人流暢旺地點,物色永久場地展出佢哋嘅作品,畀公眾欣賞佢哋嘅才華,傷健共融。

相關字詞﹕kaws 羅致光

上 / 下一篇新聞