港聞

港聞二

下一篇
上一篇

柯仔煎蛋灼蝦 獲封廚藝精湛

【明報專訊】民建聯議員柯創盛(柯仔)平時有煮番幾味,佢噚日應邀到觀塘警署出席「耆樂警訊」榮譽會長頒授禮同午膳,同義工大展廚藝,為20個參與耆樂警訊嘅長者同觀塘警區指揮官陳國基總警司等煮三餸一湯。

柯仔話三餸一湯都係少鹽少油「有營菜式」,切合長者口味,包括灼大蝦、油泡生菜、火腿煎蛋同潮式紫菜魚蛋瘦肉湯,仲獲陳國基授予「廚藝精湛」紀念狀,肯定佢嘅廚藝。

柯仔話有長者笑言「好彩仲有牙食」,令佢感慨現時社區牙科服務費用高昂同診所不足,令長者連補牙都困難重重,認為必須加強服務。

「耆樂警訊」計劃喺2014年2月於警隊全面推行,與長者建立滅罪伙伴關係,以宣揚防罪信息。

上 / 下一篇新聞