港聞

港聞二

下一篇
上一篇

領展否認租貴:為社區創價 葉劉轟「除咗好事乜都做」

【明報專訊】近年領展不時拆售物業,引起社會不滿,立法會房屋事務委員會將討論領展議題,領展噚日提交書面意見,自言「為社區創造價值」、「謀求與租戶共同成長」,並指外間認為領展商品貴係誤解。議員對有關說法相當不滿,身兼行政會議成員嘅葉劉淑儀批評領展「除咗好事乜都做」;議員區諾軒就話領展「賺埋污糟錢,一定有報應」。

領展喺意見書話,10年前成立咗「領展商戶學堂」,為商戶舉辦課程活動;又稱「為社區創造價值」,如每月以呎租低於7元,出租物業畀127間慈善團體及非政府機構,並引述食環署2016年嘅調查,話有指領展物業營運商戶提供嘅商品、服務價錢較高係「純屬誤解」。

指「商品貴」印象純屬誤解

葉太批評,領展所寫嘅只係掩眼法,批評領展加租趕絕中小企以至屋邨醫生,撕裂社區。領展喺意見書提到曾舉辦「愛.匯聚計劃」慈善項目,協助慈善團體推動社區可持續發展,葉太就話,「笑話啦,賺咁多錢,太古恒基捐幾多呀?」對於領展聲稱旗下商戶所售商品較貴係誤解,葉太就話「問市民咪知囉,(領展街市)買棵菜都貴過人」。

區諾軒(區軒)就話,領展聲稱要幫商戶增值,但睇唔到加租帶來嘅後果,指控例如10年前有商戶東主因為「領匯」大幅加租自殺亡。佢指區內有街坊因為加租做唔住,被迫退休,形容領展「為禍人間」。對於領展自稱平租物業畀慈善團體,區軒反駁呢個係房委會出售物業時嘅租賃契諾,領展必須優惠出租畀非政府組織。

相關字詞﹕立法會議員 區諾軒 房委會 領展 葉劉淑儀 emily

上 / 下一篇新聞