港聞

港聞二

下一篇
上一篇

全港10足球場 使用率100%

【明報專訊】Emily由細到大都聽講康文署啲足球場好鬼難訂,近年睇新聞都見有唔少「炒場」情况。立法會議員陳沛然噚日喺立法會書面提問環節,就問康文署本港各款足球場,由7人到11人、由天然草地到人造草地類別嘅使用率,結果回覆顯示,全港81個相關球場中,有10個使用率高達100%!

呢10個使用率百分百嘅球場,於港島有3個,分別係小西灣運動場、銅鑼灣運動場及掃桿埔運動場;九龍區就有兩個:深水埗運動場及大坑東運動場;新界有5個:青衣運動場、將軍澳運動場、大埔運動場、天水圍運動場同元朗大球場。所以呢,唔好話住屋有土地問題,港人做運動都有土地問題,成班friend想去踢場波,都要花好多心思去訂場。康文署回應話,會不時檢視足球場嘅使用情况,以提供適當設施供市民使用。

上 / 下一篇新聞