港聞

港聞二

下一篇
上一篇

海外走失來港動物 漁署暫不毁滅

【明報專訊】早前泰國小狗Heaven疑走失後誤坐貨櫃船抵港,被漁農自然護理署帶走,即日人道毀滅,引起唔少輿論爭議。署方同食物及衛生局長陳肇始連日就事件解畫,堅持決定係「基於公眾衛生考慮」。不過,漁護署噚晚突然喺facebook話,已經開始認真檢視海外走失動物嚟到香港之後嘅處理程序同埋方式,檢視期間若果有同類個案,會「停一停,諗一諗」,唔會用相同方式處理喎。

署方話收到晒大家對Heaven嘅關注,由於今次情况特殊,並無同類個案參考,往後檢視程序時,會喺保障公共衛生同本地動物健康之餘,同時考慮動物、飼養人同主人等需要。

話會同時考慮動物飼主需要

一直關注Heaven嘅民主黨立法會議員鄺俊宇同Emily講,署方嘅回覆係一次「得來不易嘅認低威」,反映署方認同今次事件唔可以「潛水」,佢覺得應該趁檢討動物福利法時,檢視人道毀滅嘅政策。

上 / 下一篇新聞