港聞

港聞二

下一篇
上一篇

玩七巧板 可測幼兒有無讀寫障礙

【明報專訊】好多人細個玩過七巧板,7件唔同顏色、形狀嘅組件,可以砌成好多唔同圖案。浸大教育學系副教授黃緯立領導嘅團隊,諗到七巧板同中文字形結構、英文字母好似,於是用七巧板嚟測試幼兒識字能力。

團隊設計咗唔同遊戲測試方法,好似叫幼兒睇由1至5塊七巧板拼出嘅圖案,然後再喺白紙畫番出嚟,就可睇到佢哋嘅小肌肉能力等。團隊搵咗102個4至5歲幼兒試玩,發現可評估幼兒中、英文閱讀同對字形結構辨識嘅能力。

未學認字寫字都可測試

黃博士話𠵱家香港學童一般喺6歲接受詳細專業評估,先識別到有無讀寫障礙。但用七巧板遊戲評估,幼兒即使未正式學認字、寫字,都可了解到佢哋嘅早期文字學習能力,有需要可以早啲接受專業支援。佢哋之後都會同社福機構與幼稚園合作,推廣多啲七巧板評估。

上 / 下一篇新聞