港聞

港聞二

下一篇
上一篇

以音樂更生 在囚者孖關心妍夾band

【明報專訊】懲教署不時有唔同活動幫助在囚者更生,噚日佢哋推出咗一條名為《舞台Reborn》嘅短片,原來佢哋早前搵嚟歌手關心妍,同壁屋懲教所在囚青少年組成嘅樂隊,齊齊演奏同埋合唱,透過音樂幫助一班青少年更生。

關讚成員有限時間內熟習樂譜

關心妍喺片中話,參加者感受到歌詞意思,唔再只係聽歌,改變到佢哋生命,就係音樂治療。佢讚在囚者組成嘅樂隊喺有限嘅練習時間內熟習樂譜,一齊合奏同合唱歌曲《另一個舞台》,展現人生中嘅一大進步;希望每一個在囚青少年都可以心懷感恩,有心靈嘅健康與自由,唔好輕言放棄。

喺壁屋懲教所擔任樂隊導師15年嘅鋼琴演奏家羅乃新當日有到場睇演奏,佢話呢班青少年在囚者本來無人生目標,加入樂隊後明白到努力付出先可以獲得成果。佢同關心妍兩個都寄語在囚者可以藉着學習音樂,令人生下半場比上半場更加精彩。

參與在囚者:音樂可表達不能說的

兩個有份參與表演嘅青年在囚者就話,學習樂器令佢哋可以將平日唔敢表達嘅說話,透過音樂展現出來。

上 / 下一篇新聞