港聞

港聞二

下一篇
上一篇

今期流行火紅財神 中電總裁扮埋一份

【明報專訊】新年期間唔少人見到財神都好開心,唔單止政黨中人,連中華電力總裁蔣東強(TK)上星期六同義工去到觀塘嘅中電飯堂同老友記拜年時,都化身財神,拜年之餘又一齊整健康賀年小食,𧨾得成班老友記笑逐顏開。

探老友記 齊整健康小食

TK上星期六去到中電「有『營』飯堂」同長者拜年,佢話新世代老友記注重健康,所以就諗咗一款健康小食「賀年黃金球」,係用雜錦果仁同乾果做成,外形似煎堆,寓意「金銀滿屋」,比傳統賀年食品健康,佢又向老友記派福袋。

除咗中電,民建聯同工聯會喺剛過去嘅周末,都先後喺港島、九東等地,帶埋財神周圍向市民拜年, 民建聯主席李慧琼同黨友柯創盛就同財神巡遊觀塘區,向市民拜年並送贈財神掛飾。工聯會議員何啟明同樣喺九龍東同財神巡遊,希望大家豬年行好運。

相關字詞﹕財神 工聯會 民建聯 中電

上 / 下一篇新聞