港聞

港聞二

上一篇

根正苗紅 張建宗係手袋黨人

【明報專訊】政務司長張建宗曾經話,每日打呔返工都好興奮,除咗領呔,佢對女裝手袋都相當有研究。佢喺香港開電視嘅節目《開嚟見我》上分享,上世紀70年代讀大學放暑假時,為咗了解勞動生產,特登應徵做女裝手袋工廠雜工。因為希望獲聘,佢當時更講大話,虛報自己係中五學生,會考睇嚟都會失敗。佢獲聘後做咗4個禮拜,因為表現良好,廠長想升佢做俗稱「先生」嘅文職工作,但佢拒絕並轉做「收發」,專職品質監控,「所以我對女裝手袋好熟,拎起就知個手袋得唔得」。主持人黃永就笑住話,張建宗先係真正嘅「手袋黨」。

大學暑假做手袋工廠雜工

政府上年暑假推出「與司局長同行」影子計劃,張建宗話特首林鄭月娥已答應嚟緊帶至少兩名學生。佢又話政府委員會成員以前只得約7.8%係35歲以下,推行青年委員自薦計劃9個月已增至9%。政府目標係任期內提升委員會整體青年成員比例至15%,部分委員會已達標。

上 / 下一篇新聞