港聞

港聞二

下一篇
上一篇

林健鋒揸高球車整傷腳 敷過期藥貼

【明報專訊】行政會議成員、經民聯立法會議員林健鋒(Jeffrey)近日遇到驚險事件,差啲斷腳。Jeffrey噚日同Emily講佢自己行得走得,上星期六返內地打高爾夫球,邊揸高球車邊同朋友傾偈,一時無為意隻腳伸咗出車,喺一片綠油油嘅平地上,突然經過一個凸高咗嘅位置,對腳扭親,膝頭同腳腕好痛。佢話當時朋友都聽到隻腳同凸高位置摩擦嘅聲響。

Jeffrey話好彩平時有做開運動,啲筋骨無咁脆弱,不過事發後按膝頭,坐低起身拉到條筋都會覺得痛。佢返到香港敷咗三服藥貼,笑言啲藥貼仲要過咗期,但敷完對腳就唔痛,亦都無乜瘀,大呼好彩。Jeffrey又力證自己身體都算唔錯,上年去西藏都無高山反應。

相關字詞﹕高爾夫球 林健鋒 經民聯

上 / 下一篇新聞