港聞

港聞二

上一篇

落區查蠓患 陳恒鑌助理雙腳當災

【明報專訊】立法會食物安全及環境衛生事務委員會噚日開會,討論到食環署早前做咗個蠓患調查,認為無需要長期監察蠓患指數。民建聯立法會議員陳恒鑌(Ben)曾經同助理到荃景圍公園同麗城花園幼稚園門口調查蠓患,結果助理被咬到成腳都係蠓同蚊赧(圖),睇相片都覺得誇張。Ben同助理都係著短褲,但Ben安然無恙,佢笑言自己一向都少蚊咬,可能自己天然防蚊。

Ben話知道各區蠓患指數好重要,但政府無監察機制,小朋友同大人都可能「被咬到豬頭咁」,批評當局喺會上只提醒市民唔好去有泥土同草叢嘅地方,佢反問「香港邊度無草叢同泥土」。佢建議定期監察各區指數,如屬濕疹、皮膚有問題嘅人,被蠓咬後痕癢,搔癢時好易損晒。仲話助理都痕咗成個星期,好難頂!

相關字詞﹕食環署 民建聯 陳恒鑌

上 / 下一篇新聞