港聞

港聞二

下一篇
上一篇

鍾國斌重申 自由黨唔係壞孩子

【明報專訊】自由黨過去被視為「建制派壞孩子」,不時同政府唱反調,但黨魁鍾國斌(Felix)之前有話過,自由黨唔係「壞孩子」,佢噚日喺網台節目《議會內外》再次重申:「壞孩子係出面封我哋,我哋話畀你知,我哋根本唔係。」節目主席劉慧卿就笑住問佢,係咪放棄咗該黨榮譽主席田北俊?Felix就強調田大少成日喺佢哋身邊,大家一齊開會食飯,大少除夕田大少搞Party自由黨都有一齊去,反問卿姐「你都喺民主黨退出嚟(非領導層及議員),有冇人放棄你?」

卿姐噚日邀請Felix上佢主持嘅節目《議會內外》,講到商界最關心嘅中美貿易戰,Felix就話佢聽聞特首林鄭月娥短期內應該會訪美,主要係出席商界、文化活動,但佢認為現時美國總統特朗普政府都亂七八糟,就算林太訪美,都未必見到高層次嘅官員,所以認為𠵱家唔係適當時候,認為如果中美達成咗基本協議再去會更適合。

田大少成日喺佢哋身邊

Felix早前本來動議討論《基本法》23條立法,但其後撤回議案,佢話原因係廢事畀外國藉口利用23條攻擊香港,又話之前同美國領事傾偈,對方都唔認同美中經濟與安全審查委員會報告所指、喺軍民科技重新檢視香港作為獨立關稅區嘅建議,話會向番美國反映咁話。

相關字詞﹕鍾國斌 田北俊 貿易戰 林鄭月娥 中美貿易戰

上 / 下一篇新聞