港聞

港聞二

下一篇
上一篇

眾志商場快閃演唱 反明日大嶼

【明報專訊】政府提出「明日大嶼」填海計劃,引起唔少爭議,香港眾志約10名成員前晚分別去咗九龍塘又一城、觀塘apm同旺角朗豪坊3個大型商場,「快閃」演唱流行歌,希望憑歌寄意,呼籲市民反對明日大嶼。佢哋自攜樂器、戴上海洋生物頭套,唱出組合Shine嘅《燕尾蝶》,以及Supper Moment嘅《沙燕之歌》,寄語市民珍惜環境。

眾志前晚喺facebook直播又一城表演情况,現場有職員交涉,但佢哋最終都能順利完成演唱。

籲反思香港係咪淨係需要發展

各人歌喉如何就「各花入各眼」,不過更重要嘅相信係佢哋表達嘅信息,眾志主席林朗彥表演時話,希望市民思考一下香港係咪淨係需要發展、犧牲環境,佢話面對政府移山填海發展,市民應該珍惜環境,追求更美好城市,反思發展之餘,亦要爭取由自己決定自己未來。

上 / 下一篇新聞