港聞

港聞二

下一篇
上一篇

林鄭:做香港特首好辛苦,但我幾輕鬆

【明報專訊】特首林鄭月娥上任一年半,任內大事一件接一件,佢接受訪問時都忍唔住呻,「做香港特首真的很辛苦!」但同時又話自己做得幾輕鬆。佢又話土地問題係上任後最大民生議題,期望令市民感受到由佢所領導嘅特區政府喺呢方面有更大承擔。

由早到晚要面對好多唔同嘅事

林太喺「開電視」節目《開嚟見我》話,做香港特首真係好辛苦,每日由早到晚都要面對好多唔同嘅事,有啲可以預見會發生,但有啲就唔得。佢形容上任一年半嘅時間過得好快,亦都覺得自己做得幾輕鬆、幾稱心滿意。

呼籲家長要畀小朋友「發白日夢」

佢形容房屋問題係任內最大挑戰,經濟發展都受制於土地問題;又話安居好重要,曾經擔心房屋政策未能引起市民關注,所以花咗唔少時間去梳理同修訂政策。佢話個人而言好願意加大公營房屋對私樓比例,又強調出售資助房屋定價需要同市價脫鈎。

林太話曾經有段時間教育變得政治化、兩極化,𠵱家增撥資源令教育界舒一口氣。作為媽媽嘅佢都有分享教仔心得,呼籲家長唔好畀仔女太大壓力,要畀小朋友「發白日夢」,家長亦應該以仔女活得比自己更開心為目標。節目今晚將於「開電視」77台,晚上8點半首播。

相關字詞﹕特首 土地問題 教育 林鄭月娥

上 / 下一篇新聞