港聞

港聞二

下一篇
上一篇

荷蘭歷劫歸來 葉劉亮腿晒傷勢

【明報專訊】早幾日大除夕,新民黨主席葉劉淑儀同愛女遊覽荷蘭阿姆斯特丹時遇到「電單車黨」,企圖搶佢嗰個有10年袋齡嘅Kwanpen鱷魚皮手袋,葉太緊捉手袋力保不失,但就畀歹徒拉咗落地,搞到受傷。葉太噚日喺立法會向Emily展示傷勢,拉高褲管露出佢一向白嘅美腿,上面有一個擦傷嘅傷口,手肘都有一塊瘀青。葉太話好彩當日著咗兩件冷衫、一件大褸,先無咁傷。佢話返香港後無睇醫生,只係搵啲藥油自己捽,𠵱家啲瘀已散咗唔少。

葉太話去到人多嘅地方,佢會擔心有扒手,所以都會警覺啲,事發當日阿姆斯特丹嘅街道好寧靜,就鬆懈咗,日後都會小心。葉太噚日仲拎住個手袋示範案發情景,但就唔係拎住事發時嘅手袋。佢笑言,日後去到寧靜嘅地方,拎住手袋嗰邊會貼牆行,另一邊搵個猛男傍住,咁就應該唔會再成為歹徒嘅獵物喇。

相關字詞﹕葉劉淑儀

上 / 下一篇新聞