港聞

港聞二

下一篇
上一篇

7.8萬月薪 政府請人 搞大灣區微信專頁

【明報專訊】近日政制及內地事務局招聘社交媒體主管,雖然唔係公務員位,但月薪達78,350元,完成一年合約、合約期內維持良好表現及行為,仲可獲發合約期內總人工15%嘅約滿酬金。人工咁可觀,咁要做啲咩呢?政府話係負責籌備開設粵港澳大灣區微信專頁,及其後嘅整體管理及運作。Emily估計出招聘嘅人應該唔太了解微信,微信唔同facebook,係無專頁嘅,只有「公眾號」。

而微信只有公眾號 無「專頁」

申請者要有香港任何一間大學中文系、新聞系學士或更高學位,或具同等學歷,喺傳媒及傳訊、公關及/或數碼市場推廣具10年或以上工作經驗,「並具有在大型機構管理社交媒體平台或市場推廣策略的良好服務紀錄」,仲要具優良中文寫作能力,喺新聞採訪、公共關係或市場推廣方面有豐富寫作經驗等。政府表明如申請人具備與內地傳媒行業相關管理工作經驗,會優先考慮。

職責方面就包括建立該微信內容同post,向內地讀者推廣香港對推進大灣區建設嘅展望同相關措施等,又要做相關課題研究,並適時報道相關活動等。

相關字詞﹕社交媒體 微信 大灣區 政制及內地事務局

上 / 下一篇新聞