港聞

港聞二

下一篇
上一篇

AY提檢討單程證動議 克勤改到面目全非

【明報專訊】現時每日有150個內地來港單程證配額,由內地審批,有聲音要求特區政府收回審批權。公民黨黨魁楊岳橋(AY)喺下周立法會大會將動議「檢討單程證政策」,建議由特區政府行使入境審批權等。部分泛民及民建聯陳克勤就提出修正案,其中陳克勤將AY嘅原動議大改,包括將上述措施刪去,搞到面目全非。

AY原議案提出,鑑於有大量持單程證嘅內地移民來港定居,對本港社會福利、房屋、教育及醫療等造成重大負擔,要求特區政府向中央爭取削減配額,同定期協商調整。

AY倡由港府行使入境審批權

AY又提出設立「雙重審批機制」,畀特區政府根據《基本法》同《入境條例》行使入境審批權,核實單程證持有人與香港永久居民家屬親屬關係嘅證明文件、單程證持有人無不良紀錄(不包括曾被政治檢控),及香港永久居民家屬有經濟能力,令單程證持有人在港嘅生活條件維持喺基本水平以上。

陳克勤成段刪去 加續按照現安排

陳克勤就將AY成段刪去,加入「繼續按照現行安排」。佢又提出,政府應研究「返回機制」,令單程證持有人可暫保內地戶籍,如果唔適應香港生活,可返回內地。陳克勤唯一無喺AY原議案刪走嘅,就係「加強打擊假結婚」。

單程證審批權嘅爭議,相信都會令一眾議員屆時唇槍舌劍喇。

上 / 下一篇新聞