港聞

港聞二

下一篇
上一篇

泰博囡囡腸胃炎 私院排5個鐘

【明報專訊】近日天氣轉冷,唔少人都病咗,立法會議員鄭松泰(泰博)嘅囡囡「泰妹」(圖)就患上急性腸胃炎,所以佢新年假期都喺屋企湊女。泰博噚日就同Emily講,話先後排隊睇私家醫院同診所,點知前者等咗近5個鐘、後者都等足3個鐘,慨嘆香港連私人醫療都出問題。

泰博同Emily講,1歲半嘅囡囡可能因為咬得手指多,食咗細菌落肚,患上急性腸胃炎,除夕開始就不斷肚屙,試過一日屙3次,泰博第一日好擔心泰妹會脫水,好彩最終無事。佢除夕即刻帶囡囡去睇醫生,點知喺仁安醫院等足5個鐘先見到醫生;過咗幾日佢再去另一間診所,就算有預約都要等足3個鐘。

泰博又話,太太同外母咁啱外遊,所以就由佢負責湊女,近日都要煮嘢食畀囡囡。佢話呢兩日囡囡病情好轉,所以都有煮紅蘿蔔畀佢,對腸胃比較好咁話。

相關字詞﹕除夕 醫療 emily

上 / 下一篇新聞