港聞

港聞二

上一篇

白腹海鵰戰航拍機 環團憂傷雀鳥

【明報專訊】航拍機大行其道,唔少市民假日都會「四圍飛」,日前有網民懷疑用無人機喺維港兩岸航拍,險象環生;噚日就有網上群組瘋傳猛禽白腹海鵰「大戰」航拍機嘅相片,有環團估計航拍機進入咗猛禽嘅「領空」,出於本能反應,佢張爪驅趕,但航拍機嘅螺旋槳可能會傷害白腹海鵰,令人非常擔心,呼籲市民自律,利用航拍機拍攝自然生態時要保持距離。

料「領空」被侵 張爪驅趕

據了解,相片於前日元旦喺西貢市中心對出嘅小島羊洲上空拍攝,而羊洲一向係麻鷹來港越冬嘅主要棲息地。

生態教育及資源中心總監程詩灝話,從相片可見白腹海鵰有張爪嘅動作,可能係出於攻擊或自衛,顯示航拍機已經闖進猛禽嘅「領空」,令佢受到威脅,所以出嚟驅趕。程詩灝擔心,航拍雀鳥成為新趨勢,尤其係雀鳥繁殖季節,影響會更大。白腹海鵰係香港大型猛禽之一,現時全港只有15至20對,為國家二級重點保護野生動物。

相關字詞﹕航拍機 白腹海鵰

上 / 下一篇新聞