港聞

港聞二

下一篇
上一篇

陽光照不到 戲曲中心種樹被質疑

【明報專訊】歷經5年工程嘅西九文化區「戲曲中心」,現正舉行開放日,今個月20號正式開幕。立法會議員朱凱廸噚日喺facebook轉載一幅中心室內景觀,圖中3棵樹木所在位置,都無陽光直接照射,而樹底亦似乎無足夠空間畀樹木成長,朱凱廸質疑戲曲中心喺無陽光嘅地方種樹,「政府咁都畀佢過骨?」,批評「種樹都係一場戲」。

有網民留言諷刺,話戲曲中心喺室內種樹係一個幾好嘅裝置藝術,可能比喻緊「沒有陽光下的樹木,猶如沒有三權分立下的法治」;亦有網民覺得樹底面積太小,批評中心「無諗過畀棵樹生長」。

對於議員同網民嘅疑問,西九文化區管理局噚日就向Emily解釋,中心內種植嘅垂葉榕樹,其實位處戲曲中心中庭,屬於開放同空氣流通嘅空間,場內設有太陽燈,樹底下亦設有自動灑水系統,提供合適空間畀垂葉榕生長。

相關字詞﹕朱凱廸 戲曲中心

上 / 下一篇新聞