港聞

港聞二

下一篇
上一篇

青民推大灣區「一站式網站平台」

【明報專訊】青年民建聯今年成立15周年,青民主席顏汶羽話今年主題係「傳承共創」,佢哋以往搞開嘅活動會繼續搞,今年就特別推出大灣區嘅「一站式網站平台」,想喺發放大灣區資訊方面做多啲。青民領導層3月就會換屆,顏汶羽話會爭取連任,而青民成員年齡限制為18至35歲,喺現任5個副主席中,關浩洋、招文亮同林琳即將「超齡」,加埋亦將超齡嘅秘書長李均強,都要退落嚟,顏汶羽話相信新嘅領導層都會幾耳目一新。至於新一年目標,顏汶羽話唔講住,因為自己始終都未連任成功。

回顧2018年,顏汶羽話定咗目標希望青民成員達2000人,𠵱家有1933人,去年淨增長347人,成績唔錯,希望3月任期完結時可以突破2000,佢提到青民成員背景多元,近年都有從大專生實習計劃中吸納新血。

講番個大灣區「一站式網站平台」,阿羽話個平台會匯集各省市同自貿區嘅就業、創業、學業同生活資訊,舉例會有點樣申請牌照嘅資訊,希望幫到香港年輕人融入大灣區發展。

相關字詞﹕顏汶羽 青年民建聯

上 / 下一篇新聞