港聞

港聞二

下一篇
上一篇

鱷魚皮手袋保不失 葉劉荷蘭遇電單車黨

【明報專訊】唔少政界中人去咗旅行迎接2019年,新民黨主席葉劉淑儀就同愛女遊覽摩洛哥、倫敦,仲首度踏足荷蘭,不過就喺呢個「聖誕跨年之旅」最後一站遇上驚險時刻。葉太噚日喺facebook更新遊記,話除夕下晝約5時與囡囡喺阿姆斯特丹名店區閒逛,遇到電單車黨!

佢憶述當時好多商店早已關門,街道寧靜,一架電單車突然衝過嚟,車上一名男子抓住佢嘅手袋,「我下意識即時抓緊手提包及保護自己,雖然摩托車已把我拖跌倒地,但我仍拚命掙扎不肯鬆手,兩名男子見未能得逞,便匆匆逃去了」。葉太擦傷膝蓋同肘部,女兒即時扶起佢,唔少市民上前慰問,問要唔要協助報警,但佢見無財物損失,就馬上返酒店治理同休息。

葉太越洋同Emily講佢無報警,並已踏上歸途,返港會再檢查傷勢。葉太又影咗個手袋畀Emily睇,話係一個袋齡10年嘅Kwanpen鱷魚皮手袋(圖)。葉太喺fb度話幸好「有驚無險」,又提醒大家歐遊時到寧靜地方格外留神,避免成為不法之徒獵物。

相關字詞﹕荷蘭 新民黨 葉劉淑儀

上 / 下一篇新聞