港聞

港聞二

下一篇
上一篇

容海恩月底剖腹產女 中醫倡食多啲嘢「谷大BB」

【明報專訊】新民黨副主席容海恩(Eunice)即將成為立法會首個任內生BB嘅議員,佢同Emily講陀緊個女,原本預產期係2月農曆新年,而佢就決定1月底喺聖德肋撒醫院剖腹生產,屋企亦都準備好BB牀,放埋Eunice至愛嘅「叮噹」公仔等阿女出世。

Eunice話,懷孕一大慘事係食唔到好多嘢,又要忍口。西醫話BB體型好正常,有5磅幾,但中醫就建議佢喺呢個月食多啲嘢「谷大個BB」,等BB出世之後健康啲。Eunice同丈夫、匯賢智庫政策顧問袁彌昌都係「高人」,Eunice透露超聲波相睇到BB女對腳都比一般BB長,未睇到個樣似爸爸定媽媽多啲,笑言係「一pat嘢咁」。

Eunice形容𠵱家仲未覺得自己係一個媽媽,但料將來管教BB會給予較大自由度,唔會太嚴,相信爸爸都係一樣。佢又講笑話,可能喺BB細細個嗰陣,就會畀佢知道社會嘅黑暗,亦唔會太保護佢。

改名方面,Eunice話個女要跟袁家族譜改名,會係「昌」字輩,Eunice話改名要留番畀老公決定,「佢文彩好啲」。

相關字詞﹕袁彌昌 新民黨 容海恩

上 / 下一篇新聞