港聞

港聞二

下一篇
上一篇

青民交波畀茂波 政府大腳解圍

【明報專訊】《財政預算案》將喺2月27日公布,財政司長陳茂波近日密鑼緊鼓做諮詢,拍咗幾條短片宣傳,呼籲大家「交個波」畀佢。青年民建聯噚日去政總請願,真係拎咗個波想交畀司長,但政府代表拒收,最終只係收咗請願信就離開。

青民主席顏汶羽同Emily講,因為見到財爺喺唔同渠道呼籲大家交波畀佢,所以特登帶個波去,佢認為政府部門之間應多溝通。雖然政府唔肯接波,但佢都讚財爺嘅意念幾得意,一來司長本身叫陳茂「波」,二來過去政府諮詢時都係呼籲大家寫信、電郵,今次概念就比較形象化,有助鼓勵巿民發表意見。

青民向財爺總提出30項預算案建議,包括提高子女及供養兄弟姊妹免稅額、全數寬免港人首置印花稅、擴展青年宿舍計劃等。

相關字詞﹕諮詢 免稅 預算案 財政預算案 陳茂波 民建聯 emily

上 / 下一篇新聞