港聞

港聞二

下一篇
上一篇

莫乃光去東京CD舖掃貨

【明報專訊】現時要聽歌,唔少人都會選擇上網或用付費嘅串流應用程式,甚少人仲會買CD,連賣實體唱片、影碟為主嘅HMV今個月中亦清盤結業,買碟嘅地方可以話買少見少。資訊科技界立法會議員莫乃光(Charles)就仍然鍾情CD,仲話每次去日本都會行CD舖,好似今次去東京,由相片可見佢掃咗最少8隻CD,唔少都係上世紀60至80年代嘅歌手。佢話雖然CD可以上網買,或者用串流聽,但係行唱片店始終感覺不一樣。

香港唱片店學唔到日本

Charles話每次去日本行CD舖都好享受,感覺歷久常新,喺大型連鎖店可以搵到喜愛嘅經典,亦不時重出幾十年前嘅舊作;而當地唔少唱片店都會搞簽名會吸引年輕人,非常熱鬧。

Charles反問點解香港做唔到咁嘅感覺,話唔可以只係賴「老翻」;又批評香港部分CD舖全年都好似清緊貨咁,感覺好差,連外國紅星近年嘅新作都唔齊全。

上 / 下一篇新聞