港聞

港聞二

下一篇
上一篇

關禮傑重演「跳樓」 助警宣傳同樂日

【明報專訊】高大威猛嘅藝人關禮傑,喺電視劇《叛逃》飾演反恐特勤隊警官「敖sir」,向學員示範跨樓跳躍訓練, 被網民評為「世界級跳樓」。Emily發現,噚日香港警察facebook上載嘅短片,邀請咗敖sir嚟重演呢個經典一幕,而且今次仲跳出宇宙!

短片中,關禮傑喺天台訓練學員,為咗展示膽識同實力,再次示範「世界級跳樓」,一跳就跳出宇宙,最後喺黃竹坑警察學院基礎訓練學校「着陸」,仲畀一班小朋友圍住。

原來,敖sir係想話畀大家知,警隊175周年警民同樂日下個月12、13、19同20號喺警察學院基礎訓練學校舉行。到時會有攤位遊戲,仲有警隊唔同部門出嚟介紹,更有雷射槍、VR/AR專區,唔怪得班小朋友咁興奮!

最後,敖sir教大家拎飛,只要Cap低佢跳出宇宙一幕,post喺comment box度就得,頭50名網友每人可獲門票兩張!

相關字詞﹕警察 叛逃 關禮傑

上 / 下一篇新聞