港聞

港聞二

下一篇
上一篇

廉記村選防貪短片 同民記好似撞衫

【明報專訊】鄉郊代表選舉下月舉行,廉署早前拍咗一系列短片,強調廉潔鄉郊選舉嘅重要。不過,民建聯成員睇完就唔多滿意,因片中涉賄選嘅人,著嘅制服顏色有啲似民建聯,有人話短片部分內容易畀人認為影射民建聯,副秘書長葉傲冬就同Emily講,該黨都有同廉署反映,唔希望造成任何誤會。

廉署早前拍咗幾條以「廉潔鄉郊選舉」為題嘅短片,分別為「利益篇」、「飲食篇」等等,每條片都會有人拉票,然後用禮物、利市、過大海食鮑參翅肚等利益去呼籲選民投票畀特定候選人,然後藝人麥長青就會講解番有關行為係違法。

葉傲冬:有同廉署反映 唔希望誤會

葉傲冬同Emily講,收到各區唔少支持者反映,覺得部分內容似乎影射民建聯,當中最主要就係演員嘅藍色背心同民建聯嘅比較似。葉傲冬話,佢哋都覺得有唔恰當嘅地方,所以該黨負責人都同廉署反映番件事,唔希望短片造成公眾有任何誤會。

廉署:為教育巿民 無其他考量

廉署就同Emily講,短片旨在以輕鬆嘅手法,提醒選民、候選人同助選成員等必須守法循規,創作過程以教育為出發點,當中並無其他考量。

相關字詞﹕投票 鄉郊代表選舉 廉署 飲食 廉政公署 民建聯 emily

上 / 下一篇新聞