港聞

港聞二

下一篇
上一篇

9換證中心開張 阿sir換新身分證 5分鐘搞掂

【明報專訊】眨吓眼,大家銀包內嘅智能身分證都用咗超過10年,噚日起入境處開始新一代智能身分證換證計劃,全港9間換證中心朝早8時開始投入服務。Emily聽唔少朋友講最唔捨得舊證中相片模樣,好關心新證影相環節,噚日換證、做警察嘅Thomas就話過程迅速,「5分鐘完成所有程序」,包括登記、填表同拍攝,影相影咗兩take就搞掂。

日辦7700申請 小量即日籌

噚日起至明年3月30日,入境處安排政府主要官員、行政會議及立法會議員、警務人員及勞工督察等執法人員率先換證。首批換證年齡群為1985至1986年出生香港居民,就會喺明年1月21日至3月30日換證。

助境入境處長(個人證件)陳天賜話,9間換證中心每日共可辦理7700個申請,其中小量為即日籌,市民如未有事前預約亦可到中心申請辦理,預計整個換證程序少於30分鐘,遞交申請後10個工作天可以領證。

入境處其實於本月10日,已開始為年滿11歲或18歲嘅換證者、新來港者,以及遺失而要補領證件者換新證,至本月24日已簽發約1.7萬張新智能身分證。

相關字詞﹕全民換證 入境處 身分證

上 / 下一篇新聞