港聞

港聞二

下一篇
上一篇

吳秋北:毛誕是「中國人聖誕節」

【明報專訊】近日大家都好開心咁慶祝緊聖誕節,唔少政界人士仲外遊緊;另一邊廂,工聯會會長吳秋北(圖)就語出驚人,話噚日係「毛主席誕辰125周年」,呢個先應該係「中國人的聖誕節」,仲話最好嘅紀念就係向主席學習!

已故中共領袖毛澤東任內功與過,過去有唔少評論,而吳秋北就喺facebook貼文留言大讚毛主席。佢仲回應網民,話「毛主席是中國數千年一遇,不世出的傑出領袖,現代中國如沒有毛主席,我們可能仍在黑暗中摸索。所以怎評價都不為過!」

吳秋北嘅聖誕論引發唔少人留言爭論,有網民問佢,係咪應該學習毛主席發動文化大革命奪權?話「身為中國人,枉你仲可以甘(咁)歌頌毛主席,你是中共人,我是中國人」。有網民就撐吳秋北,話「沒有毛主席,就沒有新中國」。

據報道,內地唔鼓勵慶祝洋人節日,𠵱家吳秋北就叫人慶祝毛主席「聖誕節」。不過,佢嘅黨友似乎無咁執著,好似麥美娟議員,平安夜就喺街頭向小朋友送上禮物,祝大家過快樂聖誕。

上 / 下一篇新聞