港聞

港聞二

上一篇

做白鴿黨紀委主席 卿姐目標唔開會

【明報專訊】民主黨前主席劉慧卿近期動作頻頻,除咗出任黨新設嘅國際事務委員會主席,建立恆常國際聯繫,上周五(21日)更喺紀律委員會上獲互選為紀委會主席,副主席就由身兼支聯會常委嘅麥海華出任。卿姐向Emily笑言,紀委會一致同意未來兩年嘅工作目標係唔使開會,因為紀委會無會開,即係代表黨無事發生,佢希望可以如願以償咁話。

卿姐話,唔使開會係紀委會嘅共同願望,佢希望黨員「唔好搞咁多嘢、唔好做有辱黨聲譽嘅嘢」,而紀委會亦未有為下次開會定日期。至於因搶手機事件被凍結黨籍嘅立法會議員許智峯,卿姐話事件完成司法程序後,紀委會先會啟動程序處理,而由於佢此前曾公開表態要求許退黨,所以紀委會屆時處理事件時,佢會避席以表公允。

上 / 下一篇新聞