港聞

港聞二

下一篇
上一篇

鄭若驊祝大家平安喜樂

【明報專訊】聽日就係聖誕節,Emily早前就問咗司長同局長有咩聖誕願望同新一年嘅前瞻。由本月15日休假、至27日先返工嘅律政司長鄭若驊,一直未回應大家查詢有關唔檢控UGL案嘅事,Emily問及司長有咩願望,就獲放緊假嘅佢回覆,鄭若驊先祝大家佳節愉快、平安喜樂,展望來年,佢話律政司會喺穩固嘅基礎上繼續堅守法治,與法律及爭議解決服務界攜手努力,與香港面對挑戰。

聖誕祝願 司局長齊講大灣區

其他司局長方面,粵港澳大灣區規劃預計明年逐步出台,唔少官員都喺呢部分着墨。財政司長陳茂波話會把握機遇融入國家發展大局,為香港經濟注入新動能;政制及內地事務局長聶德權話,香港將有更大空間同舞台、更多機遇,喺融入國家發展大局同時,實現自身更好發展。商經局長邱騰華就話會把握機遇開拓新市場、新商機,令百業興旺。

教育局長楊潤雄就祝願學生有更多自主空間。發展局長黃偉綸提到明年重點工作包括向立法會尋求撥款、啟動中部水域人工島研究,研究會聚焦發展鄰近交椅洲、約1000公頃嘅人工島。Emily喺度都祝讀者聖誕快樂,開心過佳節。

上 / 下一篇新聞