港聞

港聞二

下一篇
上一篇

一哥盧偉聰習習郵

【明報專訊】今年係改革開放40周年,各界舉辦唔少慶祝活動,其中「香港牽動我的心」美術展噚日開幕,展出多幅藝術家畫嘅香港圖畫,唔少政圈中人到場參觀。畫展最矚目嘅係名為《習主席與香港青少年在一起》嘅畫,畫中嘅國家主席習近平搭住一名少年警訊成員肩膊、豎起手指公,好多人忍唔住同「習主席」合照,警務處長盧偉聰就喺呢幅畫前,與同一班少年警訊成員搭膊影相,仲問小朋友認唔認得畫中嘅自己。

幅畫係中央美術學院教授張義波所畫,以舊年習近平訪港期間考察少年警訊永久活動中心,同一班香港青少年見面嘅場景為藍本,但畫作背景就由原本嘅元朗八鄉活動中心,改做金紫荊廣場一帶。

點解展覽叫「香港牽動我的心」?原來係取材自習近平舊年訪港時所講:「香港發展一直牽動着我的心」。展覽由前日至周六(22日)喺灣仔會展舉行,共有132件作品,下月3至10日就會移師中央圖書館。

上 / 下一篇新聞