港聞

港聞二

下一篇
上一篇

參加《百萬富翁》 4點鐘許sir 贏警民同樂日門票

【明報專訊】藝人陳啟泰主持嘅節目《百萬富翁》深入民心,人稱「4點鐘許sir」嘅退休警務處助理處長許鎮德都成為嘉賓?其實許sir唔係想贏100萬,而係香港警察facebook拍咗段宣傳片,宣傳警隊嚟緊嘅175周年大匯演暨警民同樂日,片中許sir答啱晒問題,陳啟泰仲送佢同樂日門票。

同世侄陳啟泰拍警隊fb宣傳片

片中陳啟泰問咗3條問題,分別係邊個提出成立警隊博物館,答案係1960年代任職高級助理處長嘅韋磊夫。問到邊個係首名女性做警務處副處長?答案就係舊年上任嘅趙慧賢。至於香港郵政明年推出以「我們的警隊」為題嘅郵票共有幾多款,答案就係7款啦。而許sir竟然3條都識答。

原來許sir同陳啟泰之間仲有關係,陳啟泰嘅爸爸陳鏡波係退休輔警總警司,服務警務差不多30年,所以許sir同佢都相識。陳啟泰都忍唔住疑惑,許sir咁後生都識佢爸爸?許sir就笑住話自己舊年已退休,似乎佢真係保養得幾好。

上 / 下一篇新聞