港聞

港聞二

上一篇

練馬師羅富全 自揭考足3次牌

【明報專訊】嚟緊星期日沙田馬場舉行浪琴表香港國際賽事,被譽為世界草地錦標大賽日,香港有25匹馬參加4場國際一級賽,2017/18馬季晉身練馬師行列嘅羅富全,今年就首度有3匹賽駒參加。52歲嘅羅富全原來試咗3次先拎到練馬師牌,雖然係「新仔」,但從練首季就取得65場頭馬,打破練馬師首季贏得最多頭馬紀錄。

「新仔」贏65場頭馬破紀錄

羅富全爸爸係馬房助理,所以佢細細個就跟阿爸去雙魚河睇馬,中三後透過賽事見習學員計劃加入馬會,後來成為騎師,贏過27場頭馬,退役後繼續喺馬會工作,1997年轉做助理練馬師,馬季唞暑時先後到澳洲、新西蘭同日本馬房觀摩同工作吸收經驗,喺2005年同2013年,羅富全曾申請練馬師牌照,但最終不敵其他人落第而回。到上年再有空缺,最終通過考核晉身練馬師行業。羅富全話都有諗過如果第3次都失敗咁點算,自己同身邊人都覺得佢係有能力,所以決定會試到成功為止,形容呢個係人生目標,無理由做唔到咁話。

上 / 下一篇新聞