港聞

港聞二

下一篇
上一篇

謝偉銓講皇都 潮look曝光

【明報專訊】新世界早前收購北角皇都戲院大廈並申請強拍,戲院部分就擬保育。建築、測量、都市規劃及園境界議員謝偉銓(Tony),噚日就喺facebook上載短片,講吓自己同皇都戲院嘅往事。當中最矚目嘅,就係後生時嘅Tony曝光,造型相當潮。

Tony同皇都戲院嘅關係始於1970年代佢搬到北角,當時要睇戲,無論係許冠傑、周潤發定係梅豔芳,皇都係佢必然之選;佢亦會喺皇都商場買返工嘅西裝、恤衫同皮鞋。佢慨嘆後來戲院慢慢衰落,至1997年結業,現時商場唔少舖位空置,建築物外圍相當殘舊。

皇都嘅建築其實相當有特色,包括門口浮雕同屋頂嘅飛拱。Tony話與其任由皇都丟空破落、與時代脫軌,不如為呢座一級歷史建築做好保育、活化,透過新用途傳承至下一代,令建築再次喺北角發光發熱。

上 / 下一篇新聞