港聞

港聞二

下一篇
上一篇

新民黨晤財爺 唔建議全民派錢

【明報專訊】《財政預算案》明年2月底公布,公眾諮詢日前已經展開,新民黨噚日會見財政司長陳茂波提交建議。主席葉劉淑儀會後見記者時話唔建議全民派錢,佢話今年係因為社會上覺得盈餘破紀錄,多達1400億,但各階層得益不均,所以建議派錢補漏,但程序相當複雜,甚至要到出年2月先接受申請,所以絕對唔建議出年再派錢,佢亦相信出年盈餘唔會有咁多。

出年盈餘唔會有咁多

葉太預計,嚟緊全球經濟發展有好多不明朗因素,預計政府來年稅收會低好多。佢預料政府唔會有大筆盈餘,所以新民黨無要求政府有巨額紓緩措施,只係建議公屋免租一個月,綜援等公共福利金就建議「雙糧」;退稅佢就希望交番畀財爺最終埋單計數,按財政狀况決定,但強調政府應該審慎理財,嚟緊唔可以再大幅增加經常開支。

新民黨提出唔少措施,包括建議提高年收入12萬至20萬者嘅免稅額,等佢哋交少啲稅,亦希望請外傭、租樓都可扣稅。葉太亦建議按年齡提高毋須入息審查、俗稱「生果金」嘅高齡津貼,現時70歲長者每月有1345元生果金,佢建議80歲長者升至1600元、90歲就升至1800元。

上 / 下一篇新聞