港聞

港聞二

上一篇

提防爆豬瘟 漁署出動公仔練殺豬

【明報專訊】香港爆發禽流感搞到要殺雞,Emily見唔少,但爆發豬瘟要殺豬,真係未見過。內地非洲豬瘟愈爆愈勁,暫時無殺入香港,但漁護署已做準備,仲出動大量粉紅色豬豬毛公仔練習殺豬。

本港活豬業界一直好擔心非洲豬瘟襲港,食物及衛生局長陳肇始(Sophia)前晚喺facebook話,會嚴防呢個疫症,已喺入口、運輸同屠房加強消毒,本地農場會逐漸停用動物源性嘅飼料;萬一香港失守,Sophia話政府會果斷應對。前日朝早佢去咗漁護署喺打鼓嶺嘅行動中心,視察本地養豬場出現非洲豬瘟嘅部署同演習,包括銷毁豬行動。

行動除咗出動漁護署獸醫,仲有大量粉紅色豬仔——毛公仔,隻隻都眼仔細細巧得意。參與演習人員著咗保護衣,逐一抱啲豬仔入貨櫃,睇嚟都係送佢哋最後一程。

上 / 下一篇新聞