港聞

港聞二

下一篇
上一篇

憲法座談會安排3中學生受訪 同學:中國有今日皆因改革開放

【明報專訊】全國人大前常委范徐麗泰擔任主席嘅「勵進教育中心」,噚日邀得基本法委員會主任沈春耀、中聯辦主任王志民同特首林鄭月娥等,出席國家憲法日座談會並演講,現場約有300名中學生出席。或者沈春耀演講內容對中學生而言比較艱澀,由國家憲法嘅前世今生講到與《基本法》關係,講足30分鐘,Emily現場所見,唔少學生都間中耷低頭閉目養神。

座談會後一眾講者未有回應傳媒提問,反而主辦單位就安排3名中學生行去俗稱「咪兜」嘅採訪位置,叫佢哋回答記者提問,3人都表現得有啲緊張。其中一名學生形容中國有今日成就,都係因為有改革開放,走出以前框架,話認同沈春耀講嘅嘢,座談會亦加強咗對憲法嘅認識。另一名學生亦表示認同沈春耀演講,形容有憲法同基本法,先有一國兩制方針,香港先有今日繁榮發展。

相關字詞﹕沈春耀 國家憲法日

上 / 下一篇新聞