港聞

港聞二

下一篇
上一篇

助補習天地 即場捐支票 陳葒難忘許曉暉主動伸援手

【明報專訊】民政事務局前副局長許曉暉前日病逝,唔少人喺社交平台分享同佢相處過嘅逸事,大讚佢為人熱心又願意幫人。「陳校長免費補習天地」創辦人陳葒,就喺佢facebook度分享6年前補習天地成立無耐,雖然坊間有少少報道,但成個社會仲未係有好多人知道,而許曉暉當時主動提出幫忙,令佢非常難忘。

當時許曉暉仲係副民政局長,佢打畀陳校長話想約見面,睇吓有咩可以幫到手。陳校長知道佢係副局長時已經覺得好驚訝,話許仲好熱心,形容許曉暉係「第一位主動來找『補天』說想幫忙的官員」。

兩人喺咖啡室傾談,陳校長話有3件事好深刻,第一係佢哋鄉下都係福建;第二係許曉暉帶埋個朋友介紹佢識,話朋友可以幫補習天地籌募經費;第三係許曉暉即場畀咗張捐款支票。兩個人之後都有保持信息來往,有時許又會鼓勵吓陳校長。

Emily問陳校長會點形容許曉暉,佢話許係一個「真心幫助人嘅人」,為人低調,做好事唔會周圍同人講,對其離世感到難過。

鄧小樺:喺許身上感受唔到官氣

作家鄧小樺亦有喺facebook講佢同許曉暉相處嘅事。佢話2007年書展許曉暉曾經同佢打招呼,去到後來做「文學館」同「文學季」活動見到許曉暉,許會主動同佢講「見到你總是很開心」。鄧小樺話,喺許曉暉身上感受唔到官氣。

相關字詞﹕鄧小樺 陳校長免費補習天地 許曉暉

上 / 下一篇新聞