港聞

港聞二

上一篇

郭榮鏗赴美游說 被質疑幫港府

【明報專訊】公民黨法律界議員郭榮鏗(Dennis)本月7至17日會到美國,話會游說美方喺中美貿易戰唔好改變對港政策,惹來包括本土派喺佢嘅facebook留言,質疑佢去幫香港政府做說客;而喺朱凱廸選鄉郊代表都被DQ(取消資格)後,更有聲音要求佢如果去美國,應指控港府不是。

迎難而上 梁繼昌力挺有視野

Dennis盟友、會計界梁繼昌(Kenneth)噚日就出聲撐Dennis,話Dennis到美國游說國會議員維持香港獨立關稅地位,係吃力不討好,一定會受到攻擊,但專業議政全力支持,仲話「作為負責任及有視野的立法會議員,他必定要作出一些艱難的決定,為香港作出一點長遠準備」。

Kenneth又話,佢喺未來兩星期亦會約見美國駐港總領事,以及歐盟駐港專員,講述香港近期嘅情况,仲話佢哋會「#如實反映客觀事實」。

Kenneth及Dennis嘅fb近日都有唔少人留言,鬧佢哋嘅都唔少,新同盟譚凱邦就留言問:「如今朱凱廸議員連參選鄉村代表也被DQ,相信你們可考慮進一步討論,以有條件才維持獨立關稅區,是否更適合作為美國之行的目標。」

Dennis噚日都有回應朱凱廸被DQ事件,話瘋狂DQ,無視法治,指朱凱廸已經表明不支持港獨,但仍不獲批准參選,批評政府破壞一國兩制,又話相信民主派與特區政府嘅關係將會嚴重惡化。

上 / 下一篇新聞