港聞

港聞二

下一篇
上一篇

英華創校200年 胡官阿松王宗堯齊賀

【明報專訊】老牌學校英華書院創校200年,唔少政商、演藝文化界知名人士都係畢業生,前晚英華就喺會展舉辦晚宴,成班舊生齊賀母校大壽,好似南豐集團董事長及行政總裁梁錦松、市建局主席蘇慶和、演員王宗堯等;特首林鄭月娥都有到場。

歌手許冠傑係該校1968年畢業生,周日晚無去晚宴,但早前就為母校創作歌曲《天地人》,晚宴播放該曲MTV,片中佢彈住結他,梁錦松、退休法官胡國興、個人資料私隱專員黃繼兒、政制及內地事務局前副局長陳岳鵬等舊生亦齊齊現身MTV,打番校呔,拎起自己讀書時嘅舊相高歌一曲。喺校慶晚宴上,會場佈置重現英華書院牛津道及英華街新舊校舍各個經典場景,見證學校歲月變遷。

相關字詞﹕許冠傑 梁錦松 英華書院

上 / 下一篇新聞