港聞

港聞二

下一篇
上一篇

歷史館辦改革開放展覽

【明報專訊】政府正為國家改革開放40年舉辦不同活動,政務司長張建宗噚日發表網誌,透露政府新聞處將於今個月12日至明年1月28日,喺尖沙嘴歷史博物館大堂舉行「飛躍四十載 同發展‧共繁榮」展覽,畀市民了解國家嘅成就,以及香港喺改革開放中「不可替代的角色」,展覽「將透過富時代感的互動展示方式和多媒體應用,讓參觀者有輕鬆愉快的體驗」。

展示香港「不可替代角色」

新聞處回覆Emily查詢時話,展覽會以多媒體方式,包括大熒幕、裸眼3D屏幕同全息投影儀器,播出相片同短片,帶出香港喺國家改革開放40年過程中, 既係「貢獻者」,亦係「受惠者」嘅信息,展覽亦會展出多件與製造業同金融發展有關嘅展品,會場亦設有兩地交流嘅體育、影視和音樂體驗區等。

政府亦會喺12月10日舉行專題研討會,以「改革開放輝煌四十載,香港與國家同發展共繁榮」為主題,邀請幾名內地及香港講者討論香港在國家新一輪改革開放嘅新角色。

上 / 下一篇新聞