港聞

港聞二

下一篇
上一篇

中大課程推銷:訓練「政府管治精英」

【明報專訊】下周三就喺中學生於「大學聯招辦法」(JUPAS)網上申請系統遞交入學申請最後限期,近期各大學學系都大力宣傳課程吸引學生,Emily就發現,中大數據科學及政策研究所,用咗較特別嘅手法推銷課程,話佢哋嘅數據科學及政策研究課程(JUPAS Code: JS4893),注重訓練同學仔成為「政府管治精英」,例如政務主任等等,仲喺facebook出張飯碗圖畫,話明「人人都想有鐵飯碗,但唔通個個都考到AO咩?」

課程仲sell課程主任黃偉豪教授,話佢多年嚟訓練出唔少AO同EO,亦有主持高級公務員培訓課程,話讀呢個課程「一定可令你更勝人一籌」。

fb貼圖話「人人都想有鐵飯碗」

Emily睇過中大其他課程嘅介紹,手法會含蓄一啲,好似政治與行政學系會話訓練學生獨立思考、批判思維、關注社會,話學系致力於培訓有責任感嘅公共管理行政人員,有理念嘅政治領袖,校友包括立法會議員梁美芬及公民黨陳家洛,亦有社署署長葉文娟等,但都唔會話明要培養「政府管治精英」。

上 / 下一篇新聞