港聞

港聞二

下一篇
上一篇

新聞時光隧道 下周三上環開通

【明報專訊】位於上環嘅香港新聞博覽館下周三開幕,係亞洲首個以新聞為題嘅教育展覽,展出已停止發行嘅香港報章剪報、電台電視新聞片段同新聞器材等,亦揀選咗香港近代最重要嘅十大新聞,展出相關報道;展品同時包括香港歷史上其中一份最古舊嘅報章《循環日報》,每樣展品都引領參觀者穿過新聞發展嘅時光隧道。

新聞博覽館 展出停刊報章

博覽館嘅選址亦唔簡單,係由三級歷史建築必列啫士街街市活化而成,香港首份華人開辦嘅報章《循環日報》,以及《中國日報》等都喺呢一帶起動。Emily仲知道,嗰到前身曾經係美國公理會佈道所,年輕時嘅孫中山先生就係喺入面受洗!

展館入面設有專區,揀選咗10件香港歷史上重大嘅新聞,包括1953年嘅石硤尾大火、1963年嘅制水、六七暴動、八九民運、九七回歸、2003年SARS、2014年佔中等,其中2008年四川汶川地震,館內展出當年《有線電視》中國組記者林建誠等新聞同業嘅報道;博覽館每周開放6日,現已收到唔少團體預約,將率先安排團體參觀,稍後開放網上預約,公眾預約之後就可免費參觀,回顧香港新聞歷史喇。

上 / 下一篇新聞