港聞

港聞二

下一篇
上一篇

日本市議員致函問究竟 林鄭交保安局答

【明報專訊】曾被《文匯報》形容為「右翼反華分子」、「鼓吹台獨」嘅日本千葉縣白井市市議員和田健一郎,8月被拒入境本港,佢當時喺社交網站話入境事務處人員無交代原因,又話《文匯報》報道不實,自己唔係支持台獨。佢前晚喺facebook話10月曾去信特首林鄭月娥再了解事件,得到林太回信。

和田畀Emily睇佢用中文寫畀林太嘅信,入面問到8月拒絕佢入境嘅原因,要求保證佢下次可入境香港,及補償佢8月來港嘅7萬日圓旅費。林太11月授權私人秘書回信,話已將和田提及嘅事宜轉交保安局,再由負責人員回覆。

和田喺信入面都提到,日本政府都有問過中國外交部拒絕佢入境嘅理由,同埋係咪有入境「黑名單」,但無獲回覆。和田話希望特區政府有誠意咁回應佢,因為對日本同香港友好關係好重要,佢唔希望因為不實報道,令特區政府錯誤地拒絕佢入境,亦都關乎到其他日本國民嘅權利;又憂慮香港嘅自由收窄緊。

相關字詞﹕林鄭月娥 中日關係 日本 和田健一郎

上 / 下一篇新聞