港聞

港聞二

上一篇

捐千萬予公益金 長實獲慈善家大獎

【明報專訊】公益金前晚舉行50周年晚宴,場面熱鬧,公益金噚日仲喺社交媒體上載短片,搵埋藝人黎明助陣,短片話「五十,代表着半空,亦係半滿;你哋捐畀公益金嘅一分一毫,都會一點一滴咁裝滿呢個杯,點燃希望」。公益金話會繼續陪住有需要嘅人,等待黎明嘅曙光,超越50。

講番晚宴,冠蓋雲集,大會嘉許善長,其中長江集團獲頒「慈善家大獎」。長實8月宣布與李嘉誠基金會攜手,合共捐咗1000萬元作為公益金50周年嘅特別捐款,仲加碼支持「長江公益熱線」服務。長實就話,佢哋已連續19度蟬聯公益金三大最高籌款機構之一。

上 / 下一篇新聞