港聞

港聞二

下一篇
上一篇

聖誕團南極南美遊 盛惠30萬

【明報專訊】香港人鍾意去旅行,唔少人把握聖誕檔期飛番轉。旅遊業議會話,除咗日韓溫泉、滑雪團之外,今年有個12月初出發嘅25天南極、南美旅行團,團費盛惠299,998元,安排咗包機畀團友往返,兼坐全新南極探索郵輪,喺智利食皇帝蟹海鮮餐,證明香港人真係愈玩愈刁鑽。

旅議會:貿戰下市道放緩 

Emily問過縱橫遊常務董事袁振寧,佢話近排中美貿易摩擦、股市波幅大、樓價又跌,搞到聖誕市道放緩,以往呢個時候啲團有七八成滿,今年得六七成滿,去日本嘅旅行團價位比上年平咗一成,不過大家去日本都係揀啲1萬蚊價位嘅團,可能手頭有啲緊;反而農曆新年團就有價有市,有個10萬蚊團費嘅日本鐵路團,都已經收咗半團人,唔知係咪年尾慳番啲,留番嚟過「肥年」呢。

上 / 下一篇新聞