港聞

港聞二

下一篇
上一篇

阿虫畫作周六拍賣 底價1000

【明報專訊】原名嚴以敬嘅著名漫畫家阿虫今年8月逝世,有拍賣行嚟緊星期六拍賣佢其中一幅作品,由阿虫爸爸嘅好友家人捐出,底價為1000蚊。

普藝拍賣有限公司今個星期六(12月1號)舉行季度書畫拍賣,副主席莊志崗同Emily講,當日有過千件拍賣品,其中一幅係阿虫原作《小鬼休得無禮》。莊先生話,作品係由已故漫畫家潘峭風嘅家人捐出。原來潘峭風同阿虫爸爸嚴南方係好朋友,所以潘峭風手上就有世侄阿虫嘅作品。《小鬼休得無禮》內容描繪鍾馗捉鬼故事,莊志崗話作品有辟邪之功,但就唔知點解當時阿虫揀呢幅作品畀潘峭風喇。佢又話,今次原作起拍價1000蚊算係好低,不過因為收藏界對阿虫認識唔算好深,加上唔少參加拍賣嘅都係外國人,估計最終成交價唔會過萬元。

相關字詞﹕東區 嘉年華

上 / 下一篇新聞