港聞

港聞二

下一篇
上一篇

一哥率兩副處長唱《大丈夫》

【明報專訊】繼前晚睇咗前局長喺民建聯籌款晚會大跳K-pop技驚四座嘅表演後,Emily噚晚見到警隊高層都開金口唱歌,「一哥」盧偉聰(後排中)率領兩名副處長趙慧賢(後排左)及鄧炳強(後排右),同埋警察隊員佐級協會主席林志偉等,喺公益金50周年晚宴,於警察樂隊演奏下高唱《大丈夫》,氣氛激昂,仲有一批著住唔同警察制服嘅小朋友陪同,一齊表演為公益金籌款。

Emily記得,今年唔係首次有警隊一哥喺公益金周年籌款活動中開金口,早於2001年時嘅CP(一哥)曾蔭培已於同一場合率領警隊高層高歌,咁啱都係唱《大丈夫》。

特首林鄭月娥噚晚喺呢個晚宴致辭時,就提到公益金至今累積籌得善款高達68億元,噚晚嘅「大班獻藝為公益」希望可以籌到更多款項,以支持公益金嘅慈善活動。

上 / 下一篇新聞