港聞

港聞二

下一篇
上一篇

長毛鬧記者「你個腦咁細,我個腦唔係咁細」

【明報專訊】民主派噚日為立法會九龍西補選敗選召開記者會,社民連梁國雄(長毛)亦有出席,不過長毛似乎同記者會格格不入,正當大家都話民主派要檢討,長毛仍然怪責選民唔投票係「政治自殺」。有記者問到民主派未來會唔會繼續用《基本法》23條立法做選舉議題,長毛突然發火批評記者,話「你個腦係咁細,我個腦唔係咁細」,搞到主持記者會嘅民主派會議召集人毛孟靜(Miss Mo)都要打斷,叫長毛「唔好咁」,話記者會唔係辯論場合。

記者問會否用23條做選戰議題

事緣有記者問到民主派未來選戰會唔會打23條立法同「明日大嶼」議題,長毛就率先搶咪,話民主派有責任為市民做事,唔係為選戰而做,批評記者問錯問題。傳媒出身嘅Miss Mo呢個時候已經叫長毛「唔好咁」,但長毛繼續重申觀點,Miss Mo最終話理解佢嘅講法,但就好言相勸,話記者會唔係辯論場合,有在場泛民議員事後亦為記者感到不值。

相關字詞﹕九龍西補選 梁國雄

上 / 下一篇新聞